وهى الأدوية التى تعطى بالوصف ولا تحتاج لروشتة طبيب
ونبدأ بالحديث عن بعض الحالات المرضية التى يمكن أن تواجهك فى الصيدلية وتحتاج إلى وصف دواء OTC
وهنتكلم عن أى علاج مبدأى ممكن أن نعطيه للمريض لحين توجهه للطبيب
كمان علشان يكون الموضوع متكامل إلى حد ما هنكتب شوية عن الأسعافات الأولية لبعض الحالات الطارئة
كلامى هيكون إلى حد ما على المستوى العملى أكتر منه المستوى العلمى
أنا شوفت الموضوع مكتوب أكثر من مرة ولكن فى أطار علمى أنا هتكلم عن اللى نعمله فى الصيدلية دلوقتى
وهنتكلم عن كل تخصص على حدى ولوحد عنده أضافة ياريت يسارع بمشاركتنا قبل ما نخش على التخصص اللى بعده
علشان الترتيب فى الموضوع واللى أتمنى إن المشرفين
فى الموقع يساعدونى فيه وصحيح أنا هاذكر أسم صنف معين اللى هيجى على بالى
وطبعا لن أقصد الصنف فى ذاته ولكن المادة الفعالة فى الصنف وديه بالنسبة
للصيادلة معروفة فهيعرفوا البدائل الممكنة لكن هيبقى الكلام بأسم الصنف
علشان الغير صيادلة برده يستفيدوا من الموضوع لأن فى الـOTC
هنتعرض لحالات عامة كلنا بنمر بيها وكثير منها لا يستدعى زيارة الطبيب
رجاء شخصى سارعوا بتصحيح ما أخطئ فيه وربنا يسترها
1-القئ والغثيان
وفى هذه الحالة نعطى
1-بريمبران بأنواعه قبل الرضاعة أو الأكل بربع إلى نصف ساعة
2-يستثنى اللبوس فى حالات الأسهال وطبعا السبب معروف ليه وهو نفس السبب اللى علشانه لا يوجد علاج للأسهال لبوس
3-لو المريض سيدة ويمكن وجود أحتمال حمل يعطى كورتيجن حقن كبار ومعرفش ليه لو حد يعرف السبب ياريت يفيدنا
4-فى حالة إذا كان القيء لا يصحبه غثيان أو هناك أمساك مع القئ لعدة أيام يجب الكشف
2-صعوبة البلع أو أرتجاع المرئ والزغطة
يعنى المريض يقولك حاسس بزلطة واقفة فى معدتى بندى الحاجات اللى بتحسن حركة المعدة زى الموتيليام ومننساش الجاستروموتيل
3-الحموضة
أنا عن نفسى بفضل الأنتودين كتركيبة لكن برده منساش الزانتاك وبالذات الحقن كمان لو الحالة شديدة على الأقل كحقنة فى البداية وكمان مننساش الأيبكوجيل
4-القرحة
القرحة وفى هذه الحالة بنضيف الأوميبرال وإن كنت أفضل الكشف في هذه الحالة وبالذات لو كان فى قيء دموى
عادة تكون هناك عدة أعراض من هذه مصحوبة مع بعض وتعدد الأصناف بتعدد الأعراض ووضحنا كل عرض وعلاجه
لو فى حاجة تانية حد عايز يسأل عليها يضيفها وهأضيف الرد أو لو فيه حد عنده أضافة ياريت يفيدنا
سأترك الموضوع للردود وإذا لم أجد ردود بأضافات جديدة سننتقل للجزء التالى بعد 48 ساعة من آخر رد ورجاء لو نسيت حد يذكرنى
ونكمل بعد كدة LOWER GIT